کون کہتا ہے اُسے دِل سے نکالے ہوئے ہیں

اِک یہی روگ تو ہم شوق سے پالے ہوئے

اے خُداوند! میرے یار سلامت رکھنا

میں نے یہ سانپ بڑے ناز سے پالے ہوئے ہیں

اِن چراغوں نے اندھیرے ہی دیئے ہم کو سدا

خود جلے ہیں تو کہِیں گھر میں اُجالے ہوئے ہیں

سالہا سال تُجھے ورد میں رکھا مِیں نے

میرے ہونٹوں پہ تیرے نام کے چھالے ہوئے ہیں

کیسے آُمید کروں مُجھ کو سہارا دینگے

بوجھ اپنا جو میرے کاندھے پہ ڈالے ہوئے ہیں

کہیں اِیمان کہِیں جسم کو بیچا ہے "امِین"

تب کہیں جا کے میسّر دو نوالے ہوئے ہیں __!!!!